The Winds
O weary fa' the east wind,
And weary fa' the west:
And gin I were under the wan waves wide
I wot weel wad I rest.
O weary fa' the north wind,
And weary fa' the south:
The sea went ower my good lord's head
Or ever he kissed my mouth.
Weary fa' the windward rocks,
And weary fa' the lee:
They might hae sunken sevenscore ships,
And let my love's gang free.
And weary fa' ye, mariners a',
And weary fa' the sea:
It might hae taken an hundred men,
And let my ae love be.